नवी सुरुवात
PC : www.pixabay.com " तो, ती आणि लॉकडाऊन " ह्या काल्पनिक कथेला तुम्हा सर्वांनी खूप छान प्रतिसाद दिला.. अन सोबत पुढच्या भागाची मागणीही केली. हे माझ्यासाठी एक आव्हानच होतं म्हणा ना... तरी वाचकांच्या आग्रहाखातर त्या कथेचा पुढील भाग लिहिण्याचा प्रयत्न केला आहे... विशेष सूचना - सद्यस्थिती सगळ्यांनाच माहीत आहे. हे सर्व पूर्णपणे पूर्ववत सुरळीत कधी चालू होईल हे सध्या कोणीच सांगू शकत नाही.. तरी प्रत्येकाला हे सगळं लवकरात लवकर पूर्ववत व्हावं अशीच इच्छा आहे हे लक्षात घेऊनच कथेतला काळ कल्पिला आहे.... _______________________________________________________ त्यादिवशी सलग ३-४ केक ची मागणी असल्याने ते पोहोचवण्यातच ती व्यस्त होती. त्यामुळे भ्रमणध्वनी (फोनवर) आलेले सगळ्यांचे संदेश तिने विशेष पाहिले नव्हते..दुसऱ्या दिवशी जास्ती काम नसल्याने ती थोडं उशिराच उठली. सगळं आवरून झाल्यावर ती खोलीत तिच्या आवडत्या झुल्यावर जाऊन बसली. हातातला चहाचा कप तिने खिडकी जवळ ठ...
